Natyra me terrenet e saj të ashpra dhe rehatia e dëshiruar në pamje të parë duken dy gjëra krejtësisht të ndryshme, si dy skaje që kurrë nuk do të gjejnë një pikë takimi, e megjithatë, Kander kaloi të gjitha pritshmëritë dhe e bëri këtë gjë të mundur. Kjo markë është bërë prej kohësh sinonimi i një eksperience unike sportive gjatë muajve të ftohta të dimrit. Kander sfidon të ftohtin, mjegullën, shtigjet e lagështa dhe të rrëshqitshme, terrenin e egër dhe të paarritshëm dhe është lider në tregun botëror kur bëhet fjalë për pajisjet dhe veshjet sportive, për përdorim në natyrë. Dizajni i Kander ka ardhur si frymëzim nga malet e ashpra akullnajore të Zvicrës dhe kështu e ka marrë dhe emrin, nga akullnaja e pjerrët Kanderfirn në Alpet Bernese, e cila shtrihet në jug të Kandersteg. Ngjitjet e maleve që i bëjnë të gjithë të lodhen dhe të dorëzohen mund të arrihen dhe të përmbushen vetëm me anë të pajisjeve të nevojshme dhe të duhurave të cilat ofrojnë gjithmonë performancë të lartë.
DIZAJN QË QËNDRON ME KOHËN
Dizajnerët me eksperiencë prezantojnë risinë në atletet për të rritur dhe fëmijë, si dhe në xhaketat, mushamatë, çantat e shpinës, çantat e gjumit, shishet termos, shkopinjt metalik për hiking dhe dorshkat, duke e bërë këtë markë unike në treg. Çdo pjesë e pajisjeve është shumë funksionale, e lehtë për t'u paketuar dhe mbajtur. Çantat e shpinës janë të përbëra prej materialeve të qëndrueshme me shumë xhepa ku mund të paketoni dhe të mbani pothuajse gjithçka që dëshironi. Kander nuk i lë asgjë rastësisë. Kështu që ju mund të jeni të sigurt që keni marrë më të mirën për sfidën dhe aventurën tuaj të rradhës në natyrë.
Kur materialet cilësore takohen me teknologjitë e reja, krijohen pajisje sportive që do të përballen dhe përballojnë lehtësisht çdo sfidë që ju i vendosni vetes tuaj. Këtu, një theks i veçantë i kushtohet atleteve që ju japin siguri dhe mbështetje, dhe nga ana tjetër janë të lehta dhe të rehatshme gjatë gjithë kohës. Dizajni unik me detajet e krijuara me kujdes të jashtëzakonshëm dhe të vendosura në mënyrë strategjike ju lejon të arrini qëllimet tuaja me lehtësinë më të madhe. Materialet e përdorura janë të papërshkueshme nga uji, por me një ekuilibër të përsosur të ajrosjes dhe ngrohtësisë, ndërsa tabani mbërthehet butësisht në sipërfaqe duke garantuar stabilitetin e nevojshëm në terrenet e vështira dhe duke e bërë çdo hap tuajin të sigurt.
Marka Kander nuk kujdeset vetëm për komoditetin dhe funksionalitetin e pajisjeve sportive, por theksi gjatë krijimit të tyre vihet edhe në planin estetik. Atletet nuk janë të rënda dhe të mëdha, kështu që mund të vishen edhe në rrugët e qytetit, duke u përshtatur në mënyrë të përkryer me veshjen tuaj të përditshme. Kombinimi i guximshëm i ngjyrave dhe materialeve do të tërheqë gjithashtu dhe të rinjtë.
TEKNOLOGJITË E KRIJIMIT TË ATLETEVE PËR TË CILAT KANDER ËSHTË E FAMSHME
Teknologjia rezistente ndaj ujit i mban këmbët tuaja të thata edhe në dëborë të thellë, dhe gjithashtu kontribuon në largimin më të lehtë të baltës dhe ujit, si dhe tharjen më të shpejtë të pjesës së sipërme.
MATERIALI RRJETË me ajrosje ruan një ekuilibër të vazhdueshëm midis ajrosjes dhe ngrohtësisë në atlete.
Pjesa e gomës TOE GUARD mbron gishtat e këmbëve nga impaktet në terrene të vështira dhe shtigje më pak të aksesueshme dhe rrit gjithashtu komoditetin.
Teknologjia e tabanit GRIPTECH siguron kapje të shkëlqyer dhe deri në 20% më shumë mbështetje dhe qëndrueshmëri në terren të thatë dhe të lagësht. Pjesa e përparme e atletes siguron mbërthim të shkëlqyer në sipërfaqe falë tabanit me formë gjeometrike.
Materiali i qëndrueshëm prej tekstili në pjesën e sipërme të atleteve sjell rehati, qëndrueshmëri dhe lehtësi në mirëmbajtje në çdo sezon dhe kohë të vitit.
PREMIUM LEATHER është specifikimi dhe etiketa e vendosur për llojin e veçantë të lëkurës të përdorur në prodhimin e atleteve dhe karakterizohet nga komoditeti dhe eleganca e dallueshme sportive.
HEEL COMFORT në pjesën e thembrës siguron mbërthim të shkëlqyer në sipërfaqe, gjë e cila siguron një kontakt më natyral me tokën, me një ndjenjë të garantuar rehatie gjatë gjithë kohës.
Teknologjia SNOW PROOF ofron mbrojtje të madhe në terrenet me borë, gjë e cila lehtëson lëvizjen.
Kander na thotë qartë se barrierat nuk ekzistojnë kur bëhet fjalë për sfidat sportive. Pas një jave të ngarkuar në punë, me detyrat e përditshme dhe qëndrimin ulur para kompjuterit, natyra është shëruesi më i mirë. Në çdo kohë të vitit dhe në të gjitha kushtet e motit. Nuk ka asnjë justifikim. Vetëm sfidë!
Në të gjitha dyqanet tona fizike dhe online mund të gjeni atlete sportive, veshje dhe pajisje nga marka Kander. Zgjidhni modelet që ju përshtaten më shumë, sipas shijes tuaj dhe mos u shqetësoni për performancën e lartë sepse Kander kujdeset më së miri për ta ofruar atë.
Sport Vision team
.svg)
