Можеби не сте личност која е родена да биде спортист, и можеби не ги познавате спортските термини, меѓутоа тоа не ви е потребно за да уживате во спортските документарци. Таков формат на видео кампања започна да снима и брендот Nike во рамките на Just do it кампањата, додека слична содржина може да се најде и на Netflix. Веруваме дека веќе имате налог за Netflix, па затоа денес ви ги препорачуваме документарците во коишто ќе уживате (па и ако не сте љубители на спортот).
IVERSON – ДОКУМЕНТАРЕЦ ЗА КОНТРОВЕРЗНИОТ ИГРАЧ ВО ИСТОРИЈАТА НА NBA ЛИГАТА
Животот и кошаркарската кариера на Allen Iverson и понатаму ги привлекува љубителите на кошарката, иако неговата кариера одамна е завршена. Овој инспиративен документарец го прати животот на момчето кое после детство поминато во сиромаштијата, стана кошаркар кој освои дури 11 NBA All-Star титули. Доколку отсекогаш сте посакувале да ги дознаете деталите за еден од најдобрите и најконтроверзните играчи во историјата на NBA лигата, овој документарец е токму за вас.
CONOR MCGREGOR: NOTORIOUS – ДОКУМЕНТАРЕЦ ЗА ЕДЕН ОД НАЈПОПУЛАРНИТЕ ММА ШАМПИОНИ
Снимањето на документарецот за Conor McGregor, ирскиот ММА борец и еден од најпопуларните шампиони моментално во овој спорт. Филмот го следи неговиот успех, од обично момче од Даблин кое сонуваше да стане шампион, до неготово освојување на неколку УФЦ појаси. Покрај сцените од експлозивните борби, во коишто ќе уживаат сите љубители на боречките спортови, филмот Conor McGregor: Notorious ни го прикажува и другиот поглед на животот односно ‘’од другата страна на екранот’’, меѓутоа и приказната за неговиот пат до успехот.
LOSERS – ПРИКАЗНА ЗА НЕУСПЕСИТЕ КОИ СТАНАА ЖИВОТНИ ЛЕКЦИИ
Комбинирајќи анимации со ‘’живи’’ снимки, Losers e документарец кој раскажува неверојатни приказни од светот на спортот, за кои зборуваат познати спортисти кои историските губитоци ги претворија во неверојатни животни лекции. Меѓу спортистите кои учествуваат во документарецот се Jean van de Velde, Pat Ryan и лизгачката на лед Surya Bonaly.
TYSON – СПОРТСКИ ДОКУМЕНТАРЕЦ ЗА ЛЕГЕНДАРНИОТ БОКСЕР
Сигурно не очекувавте дека документарецот за легендарниот боксер Mike Tyson ќе ве доведе до солзи, меѓутоа овој филм – во кој се прикажуваат архивски фотографии и ‘’еден на еден’’ интервју со познатиот спортист – e неочекувано емотивен. Во документарецот Tyson зборува за сите контроверзни моменти кои ја одбележале неговата кариера и турбулентните врски коишто ги исполнуваа страниците на весниците повеќе отколку неговите спортски успеси.
LAST CHANCE U – ФИЛМ ЗА “ОТПИШАНИТЕ’’ КОИ СВЕТЛОТО НА КРАЈОТ ОД ТУНЕЛОТ ГО ПРОНАЈДОА ВО СПОРТОТ
Last Chance U e документарец кој ги следи играчите од америчкиот фудбал во Мисисипи и Канзас, каде многу од нив од главната лига се исфрлени поради проблемот со оценки и дисциплина.
За уште инспиративни спортски приказни прочитајте тука.
Фотографии: popsugar.com
Тимот на Sport Vision
.svg)
