Планетата на која живееме е неверојатно место, но ѝ треба нашата помош за да напредува и да има здрава животна средина за сите нас. Секоја година на 22 април, повеќе од милијарда луѓе го слават Денот на планетата Земја со цел да привлечат што е можно повеќе внимание на тоа колку е неопходно да се заштити планетата од неправилно отстранување на отпад и уништување на шумите. Ви предлагаме неколку активности кои и вие можете да ги направите и на тој начин да придонесете нашиот свет да стане поздраво место за живеење.
Соберете неправилно одложен отпад во вашата област
Идеален начин да придонесете за заштита на животната средина е доброволно да го соберете ѓубрето во блискиот парк или околу вашата зграда. Исто така, почнете да размислувате за повторна употреба или рециклирање пред да фрлите нешто сами. На само едно пластично шише му требаат 450 години за да се распадне, но затоа може да има трајни негативни последици доколку се фрли на земја. Затоа наместо да се свртите кон корпата за отпадоци, користете пластично шише на пример како саксија.
Засади дрво или друго растение
Истражувањата покажуваат дека приближно 15 милијарди дрвја се сечат ширум светот секоја година, па помогнете да ја надоместите таа загуба со садење на сопствено дрво или растение. Тие апсорбираат јаглерод диоксид и ослободуваат кислород неопходен за живот, а засадените дрвја служат и како засолниште и како храна за животните. Во зависност од тоа каде се засадени дрвјата, нивната сенка може дури и да ја намали потребата за климатизација во потоплите месеци. Дали ви треба друга причина за да започнете со садење?
Пешачете наместо да возите
Знаеме дека сите имаме многу обврски и дека е многу поедноставно да се користи автомобил за да се оди на работа или во продавница. Но, ние сме убедени дека можете барем еден ден да ги завршите вашите секојдневни задачи пешки наместо со автомобил. Всушност, секој изоден километар наместо возење автомобил значително го намалува нивото на загаденост на озон, а тоа може да стане здрава навика која долгорочно ќе ја практикувате.
Купувајте работи направени од рециклирани материјали
Со купување eco-friendly обувки и облека, апарати за домаќинство кои штедат енергија или со користење хартија или рециклирани кеси наместо пластика, ги поддржувате сите брендови да инвестираат што повеќе во производство на еколошки производи. Доколку не сте во можност да го правите тоа секој ден, обидете се барем да дадете мал придонес за Денот на планетата Земја и што е можно повеќе производи што мислите да ги купите тој ден да бидат направени од eco-friendly материјали или еколошки пакувања.
И конечно, за да можеме сите заедно да успееме да направиме видлив напредок во заштитата на нашата планета и подигање на еколошката свест:
Раширете ја ЕКО пораката
Разговарајте со вашите пријатели и членови на семејството за она што сте го направиле и инспирирајте ги да започнат еко-активности или да ви помогнат. Колку повеќе луѓе работат, толку подобро ќе биде нашата планета.
БИДИ ЕКО ХЕРОЈ НА ПЛАНЕТАТА!
- Во својот животен век, една кеса за повеќекратна употреба може да спречи употреба на 600 пластични кеси.
- Со рециклирање на една лименка, ќе заштедите доволно енергија за да го напојувате вашиот телевизор три часа.
- Исклучувањето на компјутерот кога не го користите ја намалува потрошувачката на енергија за 85%.
- На секој изминат км пешки наместо да возите, околу 500 грама честички од загадувањето не стигнуваат до воздухот.
Станете дел од EcoVision движењето и видете ја понудата на eco-friendly производите во продавниците на Sport Vision и online.
.svg)
