Светот со месеци се соочува со најголемиот предизвик во последните неколку децении. Пандемијата на вирусот корона ги прекина спортските настани за некое време и не натера да поминеме многу повеќе време дома. Ова не ги спречи професионалните спортисти и бројните рекреативци да се посветат на домашен тренинг и да останат во форма.
Сепак, во претходниот период, на сите ни недостасуваше нешто - неверојатната еуфорија, адреналинот и чувството дека ништо не може да не спречи кога го играме спортот што го сакаме. Тоа беше чувството што го водеше Nike во креирањето на видеото за кампањата „You Can’t Stop Us“, која го обиколи светот.
Сосема случајно (или не), видеото, кое беше објавено за да се исполни продолжението на сезоната во НБА, го прославува спортот како инспирација. Преку 72 снимки совршено вклопени во 36 динамични транзиции, нараторот во видеото Megan Rapinoe зборува за сите оние моменти што го прават спортот толку совршен, а сепак толку предизвикувачки... За моментите што можеби не се пријатни или фер, но кои не поттикнуваат секогаш да одиме понатаму и никогаш да не се откажуваме, бидејќи ништо не може да не спречи да бидеме уште подобри заедно.
Преку совршена композиција на снимки се претставени 53 спортисти во 24 спортски дисциплини, кои беа избрани од група од дури 4.000 видеа снимени во претходните месеци. Покрај Megan Rapinoe, во видеото You Can't Stop Us се појавуваат и LeBron James, Naomi Osaka, Eliud Kipchoge, Cristiano Ronaldo, Giannis Antetokounmpo, Serena Williams и Kylian Mbappe.
Иако спортистите се вратија на теренот, ситуацијата е далеку од она што бевме навикнати пред пандемијата. Без оглед на тоа, ние продолжуваме да се грижиме за себе и за другите и да се навикнеме на новото секојдневие, што сепак ни носи бројни предизвици.
Сепак, дури и тоа ново секојдневие во кое спортските сали се затворени, а стадионите се празни, не ги спречи спортистите ширум светот да продолжат да се борат за промени на подобро. Преку овој напор, сите заедно, под покровителство на спортот, ни докажаа дека сме рамноправни без оглед на теренот кој го „владееме“ и дека не очекува подобра иднина и покрај сета непогодност.
Претходното видео од You Can’t Stop Us кампањата можете да го погледните на линкот.
Photo credit: news.nike.com
Тимот на Sport Vision
.svg)
