Многу активни тркачи истакнуваат дека е најтешко да се најде мотивација и да се почне, но штом еднаш почнете да трчате - тешко е да престанете. Покрај тоа, многу студии заклучиле дека луѓето кои редовно трчаат живеат во просек 3 години подолго и имаат 20% повеќе енергија.
Ако сте направиле пауза од трчање или се спремате да започнете, препорачуваме да ги вклучите вежбите за стабилизација што им се неопходни на сите тркачи пред да излезат на патеката.
Заедничко за многу обожаватели на оваа активност е тоа што тие го сакаат чувството после трчање, а ние ви нудиме уште 6 причини зошто сакаме да трчаме и уживаме во тоа.
1. Не е потребен посебен талент за трчање
Колку и да мислиме дека не сме талентирани и физички предодредени да спортуваме - ние ги кршиме тие предрасуди, бидејќи не ни потребен талент за трчање. Единствено што е потребно е силна волја и мотивација за да се постигнат резултати и да не ја занемариме квалитетната опрема за трчање. Почетокот е најтежок, но не заборавајте - само треба да го направите тој чекор напред и да не ја изгубите мотивацијата.
2. Напредокот во трчањето е видлив
Кога конечно ќе одлучите и започнете да трчате редовно, резултатите сигурно ќе ги приметите. Кога трчате редовно, можете да чувствувате напредок секој ден. Утре ќе бидете побрзи од денес, во подобра форма и со цел да го продолжите трчањето уште неколку метри повеќе.
3. Трчање во природа? Големо ДА!
Во хаосот на секојдневието, за жал, честопати ни недостасува уживање во природата и свеж воздух - дури и ако е во блискиот парк, на патека покрај река или каде било надвор. Кога трчањето ќе ви стане рутина, изберете ја која било локација и уживајте во свежиот воздух и звуците. Покрај тоа - трчањето надвор е бесплатно, а природните површини се посоодветни за тркачи. Ако одлучите да трчате навечер, ќе ги расчистите мислите и ќе почувствувате ослободување од насобраната негативна енергија и стресот. Кому не му одговара тоа чувство?
4. Додека трчаме не размислуваме за проблеми
Честопати слушаме од тркачите дека трчањето е лек за нив. Кога подобро ќе размислиме, навистина има причина зошто. Во моментот кога ќе ги облечеме омилените патики за трчање, ќе ги ставиме слушалките, ќе ја пуштиме омилената плејлиста и ќе почнеме да трчаме - фокусот е само на патеката. Нема грижи и проблеми тогаш - само ние, целта и патеката.
5. Трчањето секогаш ни поставува предизвици
„Денес беа истрчани 5 км. Утре ќе истрчам повеќе! “, Дали ви звучи познато ова? Натпреварувачкиот дух и адреналинот повеќето тркачи едноставно ги мотивира да постават нови цели и да ги поместуваат границите. Во исто време, повеќето тркачи не сакаат да стагнираат - така, за нив, секој нов ден е нов предизвик на патеката. Таа енергија што нѐ движи напред е всушност најдобрата страна на трчањето, но и на другите спортски активности.
6. Трчањето позитивно влијае на расположението и здравјето
Заеднички заклучок на многу научни студии е дека дури 5 минути трчање на ден ги подобрува функциите на мозокот и кардиоваскуларниот систем.
Покрај тоа, ако трчате секој ден (или неколку пати неделно), ќе почувствувате задоволство како резултат од „малите“ победи на патеката, но најмногу поради тоа што правите нешто добро за себе и за вашето тело. За добро расположение и boost на позитивна енергија, одвојте барем неколку минути од слободното време и посетете ја патеката.
П.С. Запомнете дека квалитетна опрема за трчање е исто така многу важна.
Без разлика дали трчате 5, 10 или повеќе километри во текот на денот - најважно е да правите нешто добро за вашето тело и здравје, на долг рок. Уживајте во трчањето уште повеќе и внимавајте да не ги правите најчестите грешки по трчањето.
Доколку се подготвувате за патеката и ви треба квалитетна опрема за трчање, голем избор ве чека во продавниците на Sport Vision, како и online.
.svg)
