Чувството на удобност никогаш не излегува од мода, па затоа вложувањето во добар пар патики секогаш се исплати повеќекратно - особено што патиките станаа составен дел од сите секојдневни комбинации.
Изминатата недела ви ги претставивме водечките трендови за оваа пролет, а сега ви претставуваме неколку must-have модели од светот на патиките.
ТРЕНД БЕЗ КОНКУРЕНЦИЈА И ОМИЛЕН ЗА СИТЕ – БЕЛИ ПАТИКИ
Повеќето од нас имаат барем еден пар бели патики кои „одговараат со сè“ и обично се едни од нашите омилени. Едноставни и класични, белите патики немаат конкуренција. Можностите за комбинирање со бели патики се бесконечни - без разлика дали ги носите со фармерки или цветен фустан. И, ако сте поборник за модата „помалку е повеќе“, навистина ви треба само еден пар бели патики.
ПАТИКИ ВО ВПЕЧАТЛИВИ БОИ - ХИТ ЗА ОВАА ПРОЛЕТ
Многумина од нас не се толку храбри и смели во изборот на патики и едвај се осмелуваме да „излеземе од комфорната зона“, т.е. да избереме патики во поинтензивни, впечатливи бои. Таквите патики најчесто преферираме да ги избереме за тренинг или трчање. Според новите трендови, патиките со повпечатливи бои како црвена, виолетова, сина итн., имаат моќ да ги „оживеат“ монотоните комбинации на облека и да им дадат тотално поинаков тон, и тоа е една од причините зошто ваквите модели сѐ почесто ги гледаме во streetstyle изданија, а ние, секако, не ги изоставивме во нашата нова колекција.
ПАТИКИ ВО УРБАН И РЕТРО МИКС
Ние го следиме ретро трендот веќе неколку сезони - како во изборот на облека и додатоци, така и во патики. Комбинацијата на футуристички дизајн, color-blocking, поостри линии, ретро силуети и впечатливи елементи на патиките сè уште нѐ привлекуваат. Тие се лесни за комбинирање и даваат тотално урбан vibe на секоја комбинација. Оваа пролет продолжуваме со истиот ритам и уживаме во изборот на патики од новата колекција на светски познати брендови.
ГОЛЕМО ВРАЌАЊЕ НА ПОПУЛАРНИТЕ „СТАРКИ“
Оваа сезона ќе биде запаметена како онаа во која се случи големото враќање на „старките“. Еднобојните плитки или длабоки модели на платнени старки, сезони наназад заземаа високо место на скалата на популарност. Оваа пролет, колекцијата на патики Converse во нашата понуда е збогатена со модели со кул дезени, како и кожни модели, а особено ги издвојуваме All Star патиките Converse Chuck Taylor со слоганот „My Story“ како апсолутен хит во понудата .
НАЈУДОБНИТЕ ПАТИКИ ЗА НАЈМЛАДИТЕ
Што се однесува до колекцијата за најмладите - дизајнерите од сите брендови се обединети и се водат од фактот дека удобноста секогаш е на прво место. Боите и деталите се прилагодени за најмалите, па најчест избор се патики со лепенки, модели во розова или сина боја, како и патики со ликови од цртаните филмови. Исто така, новиот тренд на "matching family look" станува сè почест, а во новата колекција за деца може да најдете модели слични на моделите за возрасни - родителите често се одлучуваат за вакви варијанти.
Доколку сте љубители на патики, ве покануваме да ги пробате моделите од новата колекција во продавниците на Sport Vision или да нарачате online.
.svg)
