Се прашувате како правилно да го потрошите времето и енергијата додека сте дома? Време е за семејно вежбање! За некои, ова е омилена тема, додека некои вешто ја избегнуваат. Како и да е, важно е да се грижите за здравјето и физичката подготвеност на сите во семејството. За да ги задржите децата да бидат активни, добро е да се ограничи времето што го поминуваат седејќи пред ТВ и компјутер. Дури и кога нема соодветни реквизити за вежбање, со малку имагинација, може да се смислат корисни вежби за да им помогнете на вашите деца да го поминат времето активно.
Всушност, од сè може да се направи игра, па и од вежбањето. Подолу се дадени неколку корисни совети:
- Направете листа од омилените вежби на сите членови на семејството и направете така да секој од нив го води вежбањето по 10 минути.
За дополнително да го зачините тренингот, можете исто така да креирате табела и да запишувате чии тренинг сесии се подобри, кој најмногу го избегнува тренингот и кој е секогаш присутен. Можете исто така да осмислите некоја убава награда за секој месец за вкупниот победник. Ние составивме список на лесни вежби што треба да ги направите со вашите најблиски. Дадовме се од себе, не само да ги направиме вежбите и да создаваме здрави навики, туку и да се забавуваме и едноставно да го поминуваме времето заедно како семејство. Станува уште подобро кога ќе го направите тоа заедно.
Стомачни
Легнете на грб така да го држите детето на стомакот и наизменично подигајте се и спуштајте се према него. Така многу лесно ќе ги затегнете стомачните мускули, а вашето дете ќе ужива во интересната игра.
Склекови
Додека детето лежи на грб, наместете се над него во положба за женски склекови, на колена и дланки. Наизменично виткајте ги лактовите, правејќи склекови, подигајќи и спуштајќи се накај него. За силните татковци, можете да го поставите детето на вашиот грб и така да правите склекови со поголема тежина.
Раце
Легнете не грб, а детето држете го во раце и наизменично подигајте го. На тој начин вашето дете ќе се забавува, а вие ќе ги направите вашите мускули на рацете посилни. Рацете можете да ги вежбате во домашни услови и со шишиња со вода. Подигнете ги рацете во воздух и во таа положба држете ги 1 минута.
„Squats “
„Squats“ можете да правите во парови. Застанете паралелно и истовремено правете ја вежбата со цврсто поставени стапала на подлогата. За оние кои се во подобра кондиција, вежбата може да ја направат и со дополнителна тежина во рацете.
Совет од фитнес тренер: Доколку до сега не сте вежбале и сакате сега да почнете, вежбите правете ги 2 пати неделно по 2 серии. Со тек на време, како вашата кондиција ќе се подобрува, засилете го тренингот на тој начин што ќе го зголемите бројот на повторување на вежбите.
2. Што велите за добрата стара забава? Кој е најдобриот начин да ја потрошите енергијата и сите да се забавуваат? Танцувањето! Секогаш имајте подготвена листа на песни која можете да ја пуштите во секое време... за да не се пропушти шансата за танцување. Забавно е, а и ни нуди можност да бидеме спонтани!
3. Дали имате некој омилен фитнес гуру? Можете сите да следите некој омилен фитнес гуру на YouTubе. Потрудете се да пронајдете некој заеднички, кој сите ќе го следат! Пред тоа, секако можете изборот да го направите и со гласање.
4. Сесија за јога тренинг во домот? Доколку некој од членовите на вашето семејство има познавање од јога, можете заедно да испробате неколку вежби за истегнување. Со вежбање јога имате бројни предности, а исто така вашите деца може да ја подобрат и концентрацијата доколку практикувате едноставни јога вежби.
По вежбањето и тренингот наградете го вашето семејство! Можете да организирате заедничка вечера или гледање на филм. Идеална идеја за квалитетно време помината заедно и создавање на незаборавни спомени.
Нека вежбањето со мала забава биде ваша редовна активност. На тој начин можете да го претворите вежбањето во семејна традиција на која сите ќе се радуваат. Важно е да бидете креативни, а ако редовно ги вклучувате и вашите деца низ игра, можете во нив да ја разбудите желбата и да создадете навики кои подоцна сами ќе ги практикуваат.
Нека вежбањето биде ваша семејна рутина, а опремата за овој, но и за останатите тренинзи кои ги правите во домот, можете да ги најдете и нарачате на нашиот Online Shop.
Тимот на Sport Vision
.svg)
