Скоро секој што ги празнува празниците, знае дека истите се поврзуваат со добра храна. За да не се чувствувате виновни и да се вратите во формата што ја имавте пред празниците, препорачуваме да започнете со тренинг кој ќе ги согори вишокот калории. Нема да биде лесно, но сигурни сме дека ќе се чувствувате многу подобро во моментот кога ќе ја облечете опремата за тренинг и ќе ја направите првата серија вежби.
Во тој спорстки дух, денес ви подготвивме вистинско фитнес уживање - 30-минутен HIIT тренинг што можете да го направите дома, со кој ќе ги согорите десертите, руските салати и сите други задоволства во кои уживавте претходните денови.
.jpg)
Тренингот вклучува три сета на вежби со различно времетраење. Првиот сет на вежби служи за добро загревање пред тренинг, вториот се состои од HIIT тренинг за целото тело, додека третиот се фокусира на горниот дел од телото, но тоа не значи дека другите мускули ќе бидат запоставени.
Повеќе нема да ве држиме во неизвесност - ова е 30 - минутен HIIT тренинг со цело тело. Нека не ве буни тоа што вежбите ги покажува светски познатата фитнес инфлуенсерка Памела Реиф - тренингот е наменет и за мажи, и за жени.
Прв сет вежби - FUNNY FULL BODY WARM UP
Во ритамот на песната Funny, првиот сет вклучува вежби за загревање на целото тело што ќе ве испотат и ќе ве загреат. Чучњеви, plank jumps, заедно со вежби за истегнување го сочинуваат овој 4-минутен warm up дел кој е покомплициран од што изгледа на прв поглед.
Втор сет вежби - 15 MIN FULL BODY HIIT WORKOUT
Сега, кога добро се загреавте и развеселивте со добра музика, време е да ги согорите калориите - многу калории! Вториот сет трае само 15 минути, иако ќе ви изгледа како цела вечност. Во зависност од вашата тежина, висина и физичка форма, ќе согорувате во просек околу 80 до 150 kcal. Не ви е потребна било каква дополнителна опрема, освен подлога за вежбање.
Тренингот изведувајте го без паузи помеѓу вежбите (доколку чувствувате потреба, секако, можете да направите мала пауза), додека во следните 15 минути ќе имате чекори, чучњеви и скок-чучњеви, различни варијации на plank и многу други вежби со голем интензитет. Дали сте спремни? Почнуваме!
Трет сет вежби - 10 MIN UPPER BODY WORKOUT
Тренингот трае 10 минути, при што фокусот е на горниот дел од телото, поточно на мускулите на рамената, градите и грбот. Тренингот се изведува без паузи и вклучува различни верзии на склекови, planks и други варијации на добро познати вежби благодарение на кои ќе ги обликувате мускулите на горниот дел од вашето тело.
Кој би помислил дека 30 минути можат да бидат толку интензивни, нели? Побарајте уште предлози за вежбање дома и погледнете ја колекцијата на опрема во нашите продавници или нарачајте online.
Тимот на Sport Vision
.svg)
