Ако стомакот е ваша проблематична зона, не само кога зборуваме за слабеење и вишок маснотии, туку и за дефинирање на стомакот, треба да знаете дека не сте сами. Ова е често случај со луѓе кои веќе изгубиле вишок килограми, но сепак се далеку од рамен и цврст стомак.
Се прашувате, и покрај тоа што редовно правите стомачни и различни варијации на plank, дали е навистина толку тешко да имате рамен стомак или едноставно правите нешто погрешно? Еве неколку работи што треба да ги знаете пред да преминеме на поконкретни совети.
- Фокусирањето само на стомачните мускули за време на тренингот може да биде контрапродуктивно. Фокусирајте се на поздрав избор кои ќе ви донесе долгорочни резултати и ќе го направи телото силно и стабилно, што е исклучително важно и за секојдневните активности.
- Разликувајте што е надуеност и што се маснотии во стомакот. Едноставно, невозможно е да очекувате да имате рамен стомак 24/7. Дури и ако изгубите многу маснотии во абдоминалниот дел, ќе забележите разлики во надуеноста во текот на денот. Целосно рамен стомак никогаш нема да биде „природна појава“ на вашето тело.
ДАЛИ ВАШИОТ СТОМАК МОЖЕ ДА СТАНЕ РАМЕН И ЦВРСТ ЗА КРАТКО ВРЕМЕ?
Потребно е многу посветеност и самоконтрола за да имате рамен и цврст стомак. Кога го кажуваме тоа, не мислиме само на редовен тренинг, туку и на исхрана и здрав начин на живот. Вашиот стомак не може да исчезне преку ноќ.
И, за да спречите надуеност, избегнувајте храна како што се житарки, зелка, карфиол и друг зеленчук што може да предизвика такво чувство, но и млечни производи. Ова не значи дека тие треба целосно да се отстранат од исхраната, туку треба да се кознумираат внимателно.
4 КЛУЧНИ СОВЕТИ ЗА РАМЕН И ЦВРСТ СТОМАК
ФОКУСИРАЈТЕ СЕ НА ИНТЕНЗИВНИ ТРЕНИНЗИ ЗА ЦЕЛО ТЕЛО
Речиси е невозможно да се дефинираат стомачните мускули ако правите само вежби за таа мускулна група, додека масните наслаги се таложат над нив. Многу е подобро да се фокусирате на поинтензивни вежби за целото тело кои истовремено вклучуваат повеќемускулни групи. Резултатот ќе биде повеќе потрошени калории и губење на вишок маснотии.
Исто така, имајте на ум дека тренингот со висок интензитет (HIIT) не мора да се изведува со часови за да се постигнат резултати. Половина час интензивен тренинг (во некои ситуации дури и помалку) е доволен за забрзување на метаболизмот и согорување на вишокот калории и маснотии.
ПОЈАЧАЈТЕ ГО ‘РБЕТНИОТ СТОЛБ
‘Рбетниот столб претставува потпора на нашето тело и е од огромна помош за време на секој тренинг. Силниот и стабилен столб е исто така клучен за трчачи, па затоа во еден од нашите претходни блогови пушувавме за вежбите кои што им се неопходни.
Можеби, најдобрата вежба за зајакнување на столбот е plank. И, во моментот кога ќе го зајакнете столбот, ќе забележите дека и вие сте посилни! Ќе бидете во подобра форма за сите други тренинзи и активности, бидејќи тоа е дел од телото што придонесува за подобра рамнотежа. Plank се препорачува и за зајакнување на мускулите на грбот и градите, но исто така и за мускулите на нозете, кои исто така се активни при изведување на таа вежба.
Нека биде ваша цел да направите одредена варијација на plank на секој тренинг, бидејќи на тој начин ќе чувствувате како постепено се зајакнуваат вашите стомачни мускули.
ИЗБЕГНУВАЈТЕ АЛКОХОЛ
Ова е една од најважните препораки за да имате рамен стомак. Не само затоа што во алкохолот има многу вишок калории, туку и затоа што ослободува вишок естроген. Алкохолот е една од главните причини зошто не можете да ги постигнете посакуваните резултати. Затоа, доведете го внесот на алкохол на минимум.
ВОДЕТЕ СМЕТКА ЗА ВАШИТЕ НАВИКИ ВО ИСХРАНАТА
Вашите навики во исхраната се клучен фактор за тоа дали ќе имате рамен и цврст стомак. Еве неколку чекори што треба да ги преземете:
- Откажете се од купената и брза храна, вечера од микробранова печка, чипс, газирани сокови и нездрави закуски ... Сите овие намирници се полни со вештачки шеќер што може да му наштети на вашето тело.
- Јадете што повеќе овошје, зеленчук, храна богата со растителни влакна и протеини. Секој ваш омилен оброк има своја здрава замена, затоа истражете и направете ја оваа важна промена за вашето тело.
- Пијте што повеќе вода. Хидратацијата спречува надуеност во стомакот и го забрзува метаболизмот.
УШТЕ ЕДЕН СОВЕТ НАМЕСТО ЗАКЛУЧОК
Рамниот и цврст стомак не е нешто што се постигнува преку ноќ, но сигурно не е невозможна мисија. Пред да донесете одлука за тоа каков резултат сакате да постигнете, бидете подготвени целосно да ги промените и исхраната и вашиот животен стил. Пијте што повеќе течности, избегнувајте алкохол и грицкање помеѓу оброците и вежбајте редовно. Со текот на времето, вашата самодоверба ќе расте и вашето тело ќе биде посилно и поздраво.
И, не заборавајте, можете да најдете комплетна опрема за вежбање дома или во теретана во нашите продавници или да нарачате online.
Тимот на Sport Vision
.svg)
