Причините за да се впуштите во авантурата наречена планинарење се бесконечни. Без разлика дали се работи за само лесни прошетки, попредизвикувачки искачувања или алпинизам, тоа е фантастичен начин да изградите сила, да ја подобрите кондицијата и да се грижите за вашето ментално здравје. Можете да ја изберете патеката, темпото и времетраењето според вашето фитнес ниво и цели за постепено да изградите цврста основа на сила и издржливост. Денес, силниот имунолошки систем е поважен од кога било, а планинарењето може да ја зајакне природната способност на вашето тело да се бори против болестите.
Без разлика дали сте почетник или искусен алпинист, љубител на природата од мали нозе или личност која се свртела кон природата само кога ги натерала напорното и хаотично секојдневие, придобивките од уживањето во природата и нејзините предности се немерливи. Тоа можете да го почувствувате со првиот здив на остар планински воздух, а по првата прошетка ќе ви се отвори сосема нов свет. Поминувањето време на отворено ќе го разбуди чувството што ќе ве натера да се запрашате што сте чекале! Но, не грижете се, планинарењето е активност за луѓе од сите возрасти, затоа немојте да се изненадите кога на патеката ќе видите витални и весели сениори како уживаат во многуте километри и искачувања. Придобивките од планинарењето се многубројни, а подолу ќе наведеме само неколку.
КАРДИОВАСКУЛАРНО ПОДОБРУВАЊЕ НА ЗДРАВЈЕТО
Болестите на современиот начин на живот кои произлегуваат од недостаток на физичка активност, стрес и неурамнотежена исхрана вклучуваат дебелина, хипертензија, кардиоваскуларни болести и дијабетес. Подобрувањето на кардиоваскуларното здравје не само што ќе го намали ризикот од развој на овие болести, туку и ќе направи да се чувствувате и да изгледате помлади. Дури и лесното планинарење може да го подигне пулсот на умерено ниво, што помага да се подобри аеробната кондиција и издржливоста. Со текот на времето, вашето тело се прилагодува на новите фитнес нивоа, така што ќе можете да пешачите подолго, побрзо и потешко, без да се чувствувате уморни или без здив.
ЗГОЛЕМУВАЊЕ НА ГУСТИНАТА НА КОСКИТЕ
Густината на коските и мускулниот тонус се намалуваат по 30-тата година. Еден од најдобрите начини да го забавите овој процес е вежбањето. Остеопорозата е денешна болест која ги погодува двата пола, а освен здравата исхрана полна со калциум, значајна улога во превенцијата има и физичката активност. Колку повеќе аеробни активности и тренинг за сила, толку подобро за вашите коски. Меѓутоа, за овие активности да бидат ефективни за зголемување на густината на коските, тие мора да се изведуваат на умерено до високо ниво. Се разбира, пешачењето по стрмна патека е покорисно од лежерната прошетка низ долината.
СЛАБЕЕЊЕ
Пешачењето со умерено темпо е одличен и природен начин за постепено слабеење. Согорувањето на калории зависи од фактори како што се интензитетот, темпото, нивото на кондиција, возраста и телесната тежина. Ако губењето килограми е вашата цел, изберете понапорни правци за искачување, за да согорите што повеќе калории. Природата мотивира, исполнува, буди страст во вас и слабеењето зазема второ место иако вашето тело се преобликува, а вие сте целосно задоволни од резултатите.
ПОДОБРУВАЊЕ НА БАЛАНСОТ
Додека одите по патеката, во соодветните патики за планинарење, вашите нозе и мускули на јадрото постојано се ангажирани за да обезбедат стабилност и рамнотежа на нерамен терен. Овие мускули се зајакнуваат со текот на времето, рамнотежата се подобрува. Освен тоа, планинарењето помага да се зголеми проприоцепцијата – свесноста на умот за положбата и движењето на телото во однос на околината. Како што старееме, навистина е важно да се работи на рамнотежа.
ЗАЈАКНУВАЊЕ НА МУСКУЛИТЕ
Покрај мускулите на нозете, планинарењето ги зајакнува и другите мускули во телото, вклучувајќи ги рацете и грбот. Всушност, можеме да кажеме дека за време на овие типови на прошетки се ангажирани сите мускулни групи. Одењето по угорнина ги зафаќа глутелите, квадрицепсите и тетивата, додека одењето по удолницата ги зафаќа колковите, глуждовите и јадрото. Мускулите на рацете и грбот може да се зајакнат со користење на планинарски столбови или носење планинарски ранец, па затоа е добро да изберете квалитетна опрема за планинарење.
НАМАЛУВАЊЕ НА СТРЕСОТ
Стресот и менталните болести како анксиозноста и депресијата за жал станаа дел од секојдневието на многу луѓе. Поминувањето време во природа може да ни помогне да се вратиме во сегашниот момент и да го разбудиме посакуваното чувство на смиреност. Комбинацијата од физичка активност и уживање во природа, со свеж воздух и позитивна средина може да ве доведе во состојба на рамнотежа и смиреност. Можеби планинарењето нема да ви ги реши проблемите, но може да ве зајакне и да ве подготви полесно да се справите со секојдневните предизвици.
СОЦИЈАЛИЗИРАЊЕ
Пешачењето е одличен начин да го збогатите вашиот социјален живот. Ако сакате сами да одите на овој вид активност, брзо ќе најдете пријатели и истомисленици со кои секој километар на патеката ќе биде лесен. Ќе се смеете многу, ќе научите многу и ќе сфатите дека тимската работа е клучот за надминување и на најтешките пречки.
Размислете што ве мотивира. Слабеење, намалување на стресот, физичко здравје, дружење, љубов кон природата или комбинација од сето горенаведено? Имајќи ја предвид целта што сте ја поставиле, изберете го типот на пешачење и темпото. Она што можеме да го ветиме е дека покрај посакуваната цел, ќе добиете и многу повеќе.
Природата има толку многу да ни понуди, а наше е да го прифатиме со цело срце. Ќе најдете одличен сојузник на патеката во различниот асортиман на обувки, облека и опрема за отворено во нашите продавници и на online shop. Подготвени за предизвик?
Тимот на Sport Vision
.svg)
