Јануарските денови ги одбележа вистинска зимска идила - снегот и ниските температури покажуваат колку е сериозна зимата во нејзините намери и се чини дека нема така лесно да се откаже. Тогаш, ајде да ја искористиме зимата на вистински начин! Доколку сте решиле овие денови да ги поминете на планина, опкружени со бајковити пејзажи и свеж воздух, добро подгответе се и не дозволувајте времето да ве изненади. Пред да ја отворите картата и да направите план за патување, размислете што ќе спакувате во вашата торба.
Искусните планинари и љубителите на outdoor авантури знаат како да изберат соодветни обувки, облека и опрема за престој на планина, но доколку сте почетник и немате доволно искуство, советите кои ќе ви ги предложиме подолу можат многу да го олеснат процесот.
ОБУВКИ ЗА АКТИВНОСТИ НА СНЕГ
Едно од вообичаените прашања што си го поставуваме е - како да ги избереме вистинските планинарски обувки? Започнете со основните критериуми, а тоа се удобност, стабилност и сигурна заштита од временските услови. Без такви обувки, неколкучасовното пешачење по планинските патеки покриени со снег е речиси незамисливо. Се препорачува да се носат длабоки обувки со технологија во горниот дел што ќе го спречи навлегувањето на влагата и специјално дизајниран ѓон за максимална удобност и стабилно движење. Ако сте спортски тип, изберете модели кои се специјализирани за активностите што сакате да ги правите. Доколку сакате да истражувате нови пејзажи, одлучете се за обувки од outdoor асортиманот и обратете посебно внимание на нивната тежина и другите технички карактеристики. Доколку не можете да замислите ден на планина без трчање, наместо стандардните, одберете trail патики кои најдобро ќе одговорат на сите предизвици на патеката. За жените кои се грижат за тоа како изгледаат, чизмите се веројатно подобар и посуптилен избор на обувки. Ви ги препорачуваме женските чизми Ellesse од колекцијата за скијање, кои се карактеризираат со едноставен дизајн и функционалност.
ОБЛЕКА КОЈА ОБЕЗБЕДУВА НАЈДОБРА ЗАШТИТА
При изборот на облека, бидете внимателни и прво спакувајте го она што навистина ќе ви треба. Планинската клима бара слоевито облекување, па затоа ви предлагаме да започнете со модели наменети за outdoor активности. Првиот слој на алишта е наменет и дизајниран да се носи прв, за да ви даде максимална топлина и заштита. Пожелно е првите модели кои ќе ги носите да бидат изработени од квалитетни и пријатни материјали со технологија која ја задржува топлината, а во исто време и овозможува на кожата да дише. Без разлика дали скијате или не, скијачките панталони се вистинскиот избор за сите планински активности на снег бидејќи се водоотпорни и ви овозможуваат да поминувате повеќе време на отворено. Парче облека без кое сигурно нема да ви биде удобно за време на престојот на планина е јакна, па имајте на ум дека треба да биде квалитетна и специјализирана за зимски услови. Изберете модели со природна или синтетичка изолација која ќе ве заштити од студ и врнежи. Под јакната задолжително облечете удобен и мек дуксер од подебел материјал од волна, а пожелно е да има јакната и патент за што полесно да се регулира температурата на телото. Не заборавајте на чорапите бидејќи дополнително ви ги загреваат стапалата и листовите, а ви препорачуваме во торбата да имате барем еден пар чорапи за скијање.
ОПРЕМА БЕЗ КОЈА НЕ СЕ МОЖЕ
За целосно уживање во планинските активности би рекле дека најважна е добрата опрема. Она што секогаш треба да го имате со себе се вода и ранец во кој ќе спакувате сѐ што ви треба за да ги освоите планинските врвови. Добрата хидратација е најважна за секоја спортска активност, затоа погрижете се постојано да имате шише со вода при рака и да пиете најмалку два литра течност дневно. Капа и ракавици се незаменлив додаток кога зборуваме за студено време. Материјалите и технологиите толку многу напреднаа што можат да ги задоволат сите потреби на современите спортисти, па изборот е навистина одличен. Наша препорака се зимски ракавици специјално дизајнирани за уреди со екран на допир, кои не мора да ги вадите секогаш кога сакате да фотографирате. Доколку сте љубители на скијачки спортови, задолжително спакувајте подкапа и кацига кои ќе ве заштитат од повреди. Не заборавајте на видот, па освен очила за сонце понесете и очила за скијање. Важно е да имаат стакло со максимална УВ заштита, а дополнителен плус е технологијата против магла, како и доволен број отвори за оптимална вентилација. Можеби на прв поглед изгледа чудно, но костим за капење е едно од must have парчињата во секој зимски багаж. Планинските хотели имаат богата понуда на спортски активности, а меѓу нив секако се и базените и бањите, па за да не жалите дека ќе пропуштите да уживате во отворениот базен со топла вода и погледот кон снежните врвови, секогаш носете и костим за капење.
Погрижете се да го организирате вашето патување на време и погрижете се да не заборавите нешто. За цела зима активности на планина, посетете ги нашите продавници или online shop и најдете ja комплетната outdoor понудa.
Тимот на Sport Vision
.svg)
