Се чувствувате уморно, безволно и немате доволно енергија за сите дневни активности? Заморот може да биде аларм за слабокрвност, хормонски дизбаланс или некој друг медицински проблем. Меѓутоа, најчесто е последица на нездрави навики кои лесно можат да се поправат.
Заморот претставува пречка. Купивте нови патики за трчање, но го пролонгирате одењето на патека? Купивте ранец за планинарење, но викендите претендирате да ги поминете во удобноста на својот кауч? Спротиставете му се на заморот, не дозволувајте му да ги расипува вашите планови!
Еве неколку најчести причини поради кои можете да чувствувате константен замор, како и корисни совети како да ја повратите својата енергија.
УМОРНИ СТЕ БИДЕЈЌИ НЕМАТЕ ПОСТОЈАН РИТАМ НА СПИЕЊЕ
Кога сме уморни, прво што ни паѓа на памет е дека не сме доволно наспиени. Има вистина во оваа констатација, но, секако не нѝ е потребно премногу спиење за да бидеме одморени.
Доколку сме често ненаспани, се почесто посегнуваме по храна, особено по шеќери, кофеин и благи пијалоци, кои само моментално нѝ ја подигаат енергијата. Така „паѓаме“ во стапица и постои можност наеднаш да ни се зголеми бројот на килограми.
На здрав, возрасен човек потребни му се помеѓу седум и девет часа континуиран сон.
Добриот сон дава брзо обновување на организмот, побрз метаболизам, подобро расположение и спокојство. Меѓутоа, не е доволен само број на часови поминати во спиење за да се одмориме. Важно е да одиме на спиење во слично време и тоа обично да се случува пред полноќ.
Затоа спијте редовно, доволно долго и дозволете му на вашето тело да се одмори, а тоа секако ќе ви се врати повеќекратно. Направете план на спиење. Во почеток секако ќе се соочите со потешкотии додека вашиот организам не се навикне. Дајте му на своето тело време и бидете трпеливи – периодот на адаптација може да потрае и до две недели.
УМОРНИ СТЕ ЗАТОА ШТО НЕ СЕ ХРАНИТЕ ПРАВИЛНО
Не јадете редовно? Гладувате поради недостаток на време, премногу работите и конзумирате само кафе во претпладневните часови? Се обидувате да ја задоволите својата потреба за храна со чоколада, газиран пијалок или некоја грицка? Верувале или не, таквите навики несомнено многу го исцрпуваат вашиот организам. Во нашето тело нивото на шеќер се подига со брзина на светлината, панкреасот лачи инсулин во големи количини и, по некое кратко време повторно се враќа чувството на безволност и потреба повторно да се ,,дополниме” со нова енергија.
Простите јаглехидрати се празни калории. Тие имаат моментално влијание на хормонот на среќа и чувство на наплив на енергија, но многу брзо исчезнува се, а заморот се враќа двојно. Поради тоа, треба да јадете редовно.
Секогаш имајте при рака здрави грицки како што се јаткастите плодови, свежо овошје или сецкан морков или јаболка. Таквата ужина ќе ве заштити и ќе ја обнови вашата енергија. Ќе се чувствувате сито подолг временски период.
Не претерувајте со кафето, кое исто така само за момент ви дава чувство на наплив на адреналинот и потребната енергија.
Истражувањата покажаа дека и бананите и мешунките делуваат на нашата поспаост, па затоа се препорачува да се конзумираат во попладневните часови.
Направете план на исхрана. Спремете си ја вашата ужина од дома и понесете си ја со вас. Не посегнувајте по инстант енергија.
ЧУВСТВУВАТЕ ЗАМОР БИДЕЈЌИ НЕ ВНЕСУВАТЕ ДОВОЛНО ВОДА
Секојдневни главоболки, замор и летаргија често се последица на дефицит на течности во нашиот организам. Без доволно количина на вода, невозможно е да се извршат сите дневни активности без никаква препрека. Водата е најдобар енергетски двигател за нашето тело. Треба да се пие по малку, постепено и во текот на целиот ден. Доколку нашето тело не добива доволна количина на вода, нашиот метаболизам се успорува и автоматски и ние стануваме уморни и бавни.
Затоа пијте вода, јадете намирници кои се богати со вода, особено кога температурите се високи. Купете си од практичните шишиња за вода кои можете секаде да ги дополните. Многу брзо ќе сфатите дека водата внесува огромна количина на енергија во нашето секојдневие.
ЧУВСТВУВАТЕ ЗАМОР ЗАТОА ШТО НЕ ВЕЖБАТЕ ДОВОЛНО
Кога сме уморни, имаме потреба да лежиме, да спиеме, да гледаме некој филм или серија. Меѓутоа, лежењето не е најдобар начин да се одмориме и да ги обновиме нашите извори на енергија. Енергијата ја обновуваме со движење и вежбање.
Вежбањето ја забрзува работата на нашето срце, го активира нашиот метаболизам, ја зголемува нашата мускулна маса и ни помага да имаме подобар и поцврст сон. Бенефитите кои ни ги дава вежбањето се немерливи, а доволни се само 30 минути дневно. Пробајте.
Предлозите за добар тренинг можете да ги пронајдете и на блоговите на нашиот сајт.
НЕ ПОМИНУВАТЕ ДОВОЛНО ВРЕМЕ НАДВОР
Сончевата светлина е неисцрпен извор на енергија и на движечката сила. Сонцето ни дава витамин Д, има влијание на нашето расположение и целокупното здравје.
Не дозволувајте им на дождливите есенски денови и на раното зајдисонце да ве обесхрабрат. Трудете се секој ден да поминувате доволно време на воздух. Прошетка или тренинг во природа ќе ви донесат многу бенефити. Моделите наменети за outdoor активностите ќе ве охрабрат да излезете надвор, дури и ако е влажно и ладно.
ИЗБЕГНУВАЈТЕ СТРЕСНИ СИТУАЦИИ
Овој совет звучи како невозможна мисија. Меѓутоа, доколку се потрудите, се е можно. Секојдневниот стрес влијае на нас. Не прави нерасположени и исцрпени.
Научете да не ставате се на срце. Научете да ги прифаќате лошите вести и неуспеси. Не сфаќајате се премногу лично. Спротивставете му се на стресот. Поминувајте го слободното време со вашите пријатели и вашето семејство. Дозволете си на себе да се опуштите.
Заморот не е случаен. Тој е сплет од лоши навики. Затоа со полна пареа тргнете во борба против заморот и лошите навики. Ќе се чувствувате подобро, ќе изгледате подобро и ќе зрачите со една сосема нова енергија. Сѐ што ќе направите за себе, добро ќе ви се врати.
Есента е вистинско време за нови одлуки и нови планови! Погледнете ја нашата нова есенска колекција и изберете си модел кој ќе ве поттикне да се активирате и да ја започнете вашата ,,борба’’ против заморот.
Sport Vision Team
.svg)
